campaigns/ ३० औ वार्षिकोत्सव सप्ताहव्यापी कार्यक्रम

३० औ वार्षिकोत्सव सप्ताहव्यापी कार्यक्रम

2026-05-31 22:49:53

1.१६ जेठ– ४ जिल्लामा १०२ जनाद्वारा रक्तदान :

शान्ति समाज स्थापनाको ३० औ वार्षिकोत्सव सप्ताहव्यापी कार्यक्रमको पहिलो दिन जेठ १६ गते । काठमाण्डौ सुर्खेत महोत्तरी र दाङ शाखाद्वारा आयोजित रक्तदान कार्यक्रममा काठमाण्डौमा ४२, सुर्खेतमा ३१, महोत्तरीमा १९ र दाङमा १० जना गरी १०२ जना द्वारा रक्तदान । रक्तदाताहरु प्रति हार्दिक आभार ।

2.जेठ १७ गते

१.पुस्तक दान शान्ति समाज स्थापनाको ३० औ वार्षिकोत्सव अवसरमा आयोजित सप्ताहव्यापी कार्यक्रम अन्तर्गत जेठ १७ गते काठमाडौँ जोरपाटी स्थित भैरव स्मृति पुस्तकालयलाई दर्जनौ पुस्तकहरू प्रदान गरिएको छ । संस्थापक सभापति कृष्ण पहाडीसँग रहेका वेद,वेदान्त,पुराण,दर्शन र धार्मिक इतिहासका ती पुस्तकहरू शान्ति समाजले प्रदान गरेको हो ।

२.सुर्खेत शाखाद्वारा जेठ १७ गते स्थानीय आश्रममा एक छाक भोजनका व्यवस्था

३.दाङ शाखाले जेठ १७ गते चार जना दृष्टिविहीन सहितको एक गन्धर्व परिवारलाई खाद्यान्न सहयोग प्रदान ।

४.जेठ १७ गते सल्यान शाखाद्वारा स्थानीय अस्पतालका बिरामीहरुको स्वास्थ्य लाभको कामना सहित फलफूल वितरण

3.जेठ १८ गते

१.वस्त्रदान – सप्ताहव्यापी कार्यक्रमको तेस्रो दिन जेठ १८ गते शान्ति समाज काठमाडौं शाखाद्वारा कागेश्वरी वृद्धा सेवा आश्रमलाई दर्जनौ वस्त्र सहित रु.१० हजारको खाद्यान्न सहयोग प्रदान ।

२.अन्तरिक्ष विज्ञान, परा मनोविज्ञान, १८ पुराण लगायत सयौं पुस्तकहरू प्रदान–

जेठ १८ गते काठमाडौँ गोठाटार स्थित बाल राष्ट्रिय मा.वि.को पुस्तकालयलाई सयौं पुस्तकहरू प्रदान गरिएको छ । संस्थापक सभापति कृष्ण पहाडीसँग रहेका अन्तरिक्ष विज्ञान, परा मनोविज्ञान, उपनिषद, १८ पुराण र धार्मिक इतिहासका ती पुस्तकहरू शान्ति समाजले ३० औँ स्थापना दिवसका अवसरमा आयोजित सप्ताहव्यापी कार्यक्रममा प्रदान गरेको हो ।

३.सुर्खेत शाखाद्वारा प्रशान्ति वृद्धाश्रम केन्द्र सुर्खेतमा फलफुल वितरण

४.पाल्पा शाखाद्वारा जेठ १८ गते त्रिभुवन बहुमुखी क्याम्पस स्नातक तहका विद्यार्थीहरू माझ पठन संस्कृति प्रवद्र्धन केन्द्रित अन्तरक्रिया ।

५. सल्यान शाखाद्वारा शिवजन मा.वि. शीतलपाटी सल्यानको छात्रावासमा रहेका दृष्टिविहीन छात्र छात्राहरुलाई शैक्षिक सामग्री वितरण ।

६. दाङ शाखाद्वारा दाङका पाँच वटा विद्यालयमा लागू औषध दुव्र्यसन विरुद्ध सचेतना कार्यक्रम । ५०० जना विद्यार्थीको सहभागिता ।

4.जेठ १९

१.मानव अधिकार तथा शान्ति समाज स्थापनाको ३० औ वार्षिकोत्सवका अवसरमा जेठ १९ गते आदर्श नागरिक समाजको परिकल्पना : शान्ति समाजले अवलम्बन गरेको बाटो विषयक नागरिक संवाद कार्यक्रम काठमाण्डौमा सम्पन्न भएको छ ।समाजका सभापति रेनुका पौडेलको सभापतित्वमा सम्पन्न कार्यक्रममा विशिष्ट अतिथिको रूपमा संसद्को कानुन न्याय तथा मानवअधिकार समितिको सभापति समिक्षा बाँस्कोटा (रास्वपा) र नेपाली काँग्रेसका सांसद रेखा यादवले मन्तव्य व्यक्त गर्नु भएको थियो ।

प्रमुख वक्ताका रूपमा समाजका संस्थापक सभापति कृष्ण पहाडीले सम्बोधन गर्नु भएको कार्यक्रम मा समाज द्वारा तयार गरिएको आदर्श नागरिक समाजको परिकल्पना : शान्ति समाजले अवलम्बन गरेको बाटो विषयक शान्ति समाजद्वारा तयार गरिएको चार पृष्ठको अवधारणा पत्र कोषाध्यक्ष चन्द्रमणि बन्जाराले प्रस्तुत गर्नु भएको थियो ।

सो अवधारणा पत्र माथि आलोचनात्मक टिप्पणीका लागी वरिष्ठ पत्रकार कृष्ण मुरारी भण्डारी लाई आमन्त्रण गरिएको थियो।यसै गरी समाजका संस्थापक सदस्य कृष्ण कँडेल,निवर्तमान सभापति रामकृष्ण बराल, सल्लाहकार राम प्रसाद जोशी, काठमाण्डौ शाखा सभापति विकास थापा, ललितपुर सभापति बाबुराम न्यौपानेले मन्तव्य व्यक्त गर्नु भएको थियो ।

। समाजको स्थापना दिवसका अवसरमा काठमाण्डौमा सप्ताहव्यापी कार्यक्रम भई रहेको छ । कार्यक्रममा पठन संस्कृति प्रवद्र्धन अभियानको संयोजक ईश्वर पुडासैनी,खाद्यान्न दान कार्यक्रम संयोजक सार्जन चापागाईँ, पुस्तक दान कार्यक्रम संयोजक रबिना पौडेल,रक्तदान कार्यक्रम संयोजक नवराज चापागाईँले संक्षिप्त धारणा व्यक्त गर्नु भएको थियो भने कार्यक्रम सञ्चालन बाग्मती प्रदेश सचिव दिवाकर पुडासैनीले गर्नु भएको थियो ।

२.जेठ १९ गते शान्ति समाजका २१ जिल्ला शाखाद्वारा नागरिक संवाद कार्यक्रम आयोजना गरेका थिए ।

कार्यक्रम आयोजना गर्ने शाखाहरू यस प्रकार छन् :अछाम कैलाली मुगु सुर्खेत सल्यान बाँके दाङ गुल्मी कपिलवस्तु रुपन्देही पाल्पा कास्की म्याग्दी गोरखा नवलपुर चितवन महोत्तरी सङ्खुवासभा तेह्रथुम सुनसरी इलाम

5.जेठ २०

शैक्षिक सामग्री दान : शान्ति समाज स्थापना दिवस सप्ताहव्यापी कार्यक्रम अन्तर्गत जेठ २० गते ललितपुर शाखाको पहलमा ज्वालादेवी आधारभूत विद्यालय देवीचौरका ३६ जना विद्यार्थीलाई रु.१८ हजारको शैक्षिक सामग्री प्रदान ।