समुन्नत कर्णालीका लागि शान्ति समाजको अभियान/ २७ लाख ९६ हजारको छात्रवृत्ति वितरण

प्रेस विज्ञप्ति

मानव अधिकार तथा शान्ति समाजले छोरी पढाऔँः गरिमा बढाऔँ भन्ने आह्वानसहित २०८० जेठमा शुरु गरेको कर्णाली केन्द्रीत तीन वर्षे बालिका छात्रवृत्ति अभियान समापन भएको छ । २०८२ जेठ २३ देखि जेठ २९ सम्म तेस्रो वर्षको छात्रवृत्ति रु. ८ लाख ४० हजार कर्णाली प्रदेशका हुम्ला, मुगु, जुम्ला, कालिकोट, दैलेख र सुर्खेतका ९ विद्यालयका ७० जना विपन्न दलित समुदायका बालिकालाई (प्रत्येकलाई रु. १२ हजारका दरले) प्रदान गरिएको हो ।

यससँगै तीन वर्षमा शान्ति समाजले कर्णालीका दलित समुदायका बालिकाहरुलाई रु. २७ लाख ९६ हजारको छात्रवृत्ति प्रदान गरेको छ । पहिलो वर्ष ८४ जनालाई छात्रवृत्ति प्रदान गरिएकोमा दोस्रो वर्ष ५ जनाले विद्यालय छाडेका कारण ७९ जनालाई र तेस्रो वर्ष थप ९ जनाले विद्यालय छाडेका कारण ७० जनालाई प्रदान गरिएको थियो । यसले कर्णालीमा अहिले पनि विद्यालय छोड्नेहरुको संख्या उल्लेख्य रहेको दर्शाउँछ ।

शान्ति समाजका महासचिव प्रकाश शाही, गण्डकी प्रदेश सचिव तिर्थराज न्यौपाने र सुर्खेत शाखा सभापति दिपक गौतमसहितको टोलीले कालिकोटको शुभकालिकास्थित पञ्चकालिका मा.वि.का १३ जना, खाडचक्र मान्मस्थित जनजीवन मा.वि.का १६ जना, जुम्लाको हिमास्थित अन्नपूर्ण मा.वि.का ४ जना, कनका सुन्दरी मा. वि. गोठिज्युला सिंजा जुम्लाका १२ जना, मुगुको महाकाली नमुना मा.वि.का ६ जना, नेपाल राष्ट्रिय मिन मा.वि. भारेकोटका ३ जना, दैलेखको महादेव मा.वि. तल्लो डुंगेश्वरका ५ जनालाई ती जिल्लाहरुमा आयोजित कार्यक्रमहरुमा छात्रवृत्ति रकम प्रदान गर्नुभएको थियो भने सुर्खेतमा आश्रय लिइरहेका बादी समुदायका ६ जना बालिकालाई समाजका सभापति रेनुका पौडेल, निवर्तमान सभापति रामकृष्ण बराल, उपसभापति लक्ष्मीनारायण मिश्र लगायतले प्रदान गर्नुभएको थियो ।

यसैगरी हुम्लाको सर्केगाडस्थित अंशुवर्मा आधारभुत विद्यालयका २ जना र हुम्लाकै श्री हिमज्योति मा.वि सर्केगाडका ३ जनालाई सम्बन्धीत विद्यालयका प्रधानाध्यापक मार्फत छात्रवृत्ति वितरण गरिएको छ ।

तीन वर्षे यो अभियानका लागि समाजका सल्लाहकार रामप्रसाद जोशीसहित ७० भन्दा बढी सदस्य तथा शुभचिन्तकहरुले आर्थिक सहयोग प्रदान गर्नुभएको थियो ।

यसैगरी मानव अधिकार तथा शान्ति समाजले समुन्नत/समृद्ध कर्णालीका लागि सार्थक योगदान गर्न आग्रह गर्दै विशेष अभियान प्रारम्भ गरेको छ । यस क्रममा २०८२ जेठ २७ गते मुगुको गमगढीमा, जेठ २६ गते जुम्लाको कनकासुन्दरीमा, २५ गते कालिकोटको मान्ममा र सुर्खेतमा नागरिक संवाद कार्यक्रम सम्पन्न भएको थियो ।

जेठ २४ गते सुर्खेतको वीरेन्द्रनगरमा शान्ति समाज सुर्खेत शाखाद्वारा आयोजित वृहत नागरिक संवाद कार्यक्रममा प्रमुख वक्ताका रुपमा बोल्दै शान्ति समाजका संस्थापक सभापति कृष्ण पहाडीले जसरी जलवायु न्यायका विषयमा नेपालले अन्तर्राष्ट्रिय स्तरबाट क्षतिपूर्ति माग गरिरहेको छ त्यसैगरी नेपालमा हुने कार्वन उत्सर्जनमध्ये कर्णाली न्युन उत्सर्जन गर्ने क्षेत्र भएकोले कर्णालीले राष्ट्रिय स्तरबाट क्षतिपूर्ति पाउनुपर्नेमा जोड दिनुभएको थियो ।

जलवायु न्याय (क्लाइमेट जस्टिस) सर्वत्र प्राथमिकता हुनुपर्ने, विश्वभरी कम आय भएका, जलवायु परिवर्तनबाट प्रभावित समुदाय र मानिसहरुले राहत पाउनुपर्ने तथा यो समस्याका लागि जिम्मेवार नभएका÷कम जिम्मेवार भएका स्थानहरुले न्याय पाउनुपर्ने आवाज विश्वभरी उठिरहेको सन्दर्भ उल्लेख गर्दै पहाडीले सोही अनुरुप कर्णालीले न्याय पाउनुपर्ने र कर्णालीलाई क्षतिपूर्ति दिलाउन सबै लाग्नुपर्ने बताउनुभएको थियो ।

सुर्खेत शाखा सभापति दिपक गौतमको सभापतित्वमा सम्पन्न नागरिक संवादमा प्रमुख अतिथि कर्णाली सरकारका पुर्व मुख्यमन्त्री जीवन ब. शाही हुनुहुन्थ्यो भने सामाजिक विकास मन्त्री घनश्याम भण्डारी, प्रदेशका पूर्व अर्थमन्त्रीहरु विन्दमान विष्ट र वेदराज सिंह, पुर्व सामाजिक विकास मन्त्री खड्क पोख्रेल, नेपाली कांग्रेस प्रमुख सचेतक हिक्मत विष्ट, योजना आयोग कर्णाली प्रदेशका सदस्य अशोकनाथ योगी, शान्ति समाजका सभापति रेनुका पौडेल, मध्यपश्चिम विश्व विद्यालयका रजिस्ट्रार शोभाकर कंडेल लगायत राजनीतिक र नागरिक समाजका गरि दुई दर्जन बढी वक्ताहरुले मन्तव्य व्यक्त गर्नुभएको थियो । शान्ति समाजद्वारा तयार गरिएको ४ पृष्ठको अवधारणापत्र कर्णाली प्रदेश सचिव दिल्लीप्रसाद जैसीले प्रस्तुत गर्नुभएको थियो भने सहजिकरण महासचिव प्रकाश शाहीले र स्वागत मन्तव्य केन्द्रिय सदस्य सीता यरीले गर्नुभएको थियो ।

समाजका तर्फबाट

सरिता पौडेल

उपनिर्देशक, मानव अधिकार तथा शान्ति समाज

२९ जेठ २०८२

2025-06-12 11:06:36

शान्ति समाजले मनायो २९ औँ स्थापना दिवस

प्रेस विज्ञप्ति  

वैज्ञानिक शिक्षा र गुणस्तरीय स्वास्थ्य सेवामा जोड दिँदै शान्ति समाजले मनायो स्थापना दिवस 

मानव अधिकार तथा शान्ति समाजको स्थापना २०५३ जेठ १९ गते भएको थियो । वैज्ञानिक शिक्षा र गुणस्तरीय स्वास्थ्य सेवामा जोड दिँदै २०८२ जेठ १९ गते समाजले २५ जिल्लामा २६ वटा कार्यक्रम गरि २९ औँ स्थापना दिवस मनाएको छ । यस क्रममा समाजद्वारा काठमाण्डौमा आयोजित नागरिक संवाद कार्यक्रममा प्रमुख अतिथिको रुपमा बोल्दै स्वास्थ्य तथा जनसंख्यामन्त्री प्रदीप पौडेलले सबै घरपरिवारलाई स्वास्थ्य बिमाको दायरामा ल्याइ त्यसैबाट उपचार गर्ने व्यवस्था मिलाउन प्रयासरत रहेको बताउदैँ गर्छु भनेका कतिपय काम स्रोत सुनिश्चितताको अभावले पनि पूरा गर्न जटिल भइरहेको धारणा व्यक्त गर्नुभएको थियो । अनेक प्रयासका बावजुद स्वास्थ्य क्षेत्रमा बजेट बढेर आएको तर पर्याप्त नभएको मन्त्री पौडेलको धारणा थियो । 
कार्यक्रममा बोल्दै शान्ति समाजका संस्थापक सभापति कृष्ण पहाडीले लोकतन्त्रको स्थायित्वका लागि सदैव दृढताका साथ उभिने बताउँदै वैज्ञानिक शिक्षा र गुणस्तरीय स्वास्थ्य सेवा सर्वत्र प्राथमिकता हुनुपर्ने र विशेषगरी कर्णाली प्रदेशमा सरकारको ध्यान जानुपर्ने धारणा व्यक्त गर्नुभयो ।
स्वास्थ्यविद एवं पूर्व राजदुत डा. महेश मास्केले शिक्षा र स्वास्थ्य राज्यको मूल दायित्व भएको हुँदा सो सन्दर्भमा राज्य स्पष्ट हुनुपर्ने, लगानी बढाउनुपर्ने र जनस्वास्थ्यका  नविनतम चुनौतीहरुलाई सामना गर्न त्यसै अनुरुप नीति बनाउनुपर्नेमा जोड दिनुभयो । 
शिक्षाविद डा. विद्यानाथ कोइरालाले नेपाली समाजको मौलिक ज्ञान, परम्परा, सिप र संस्कार हस्तान्तरण र पुस्तान्तरण हुन नसकेको भन्दै शिक्षामा लगानी नै समान रूपमा हुन नसकेको, शिक्षक र विद्यार्थीको अनुपात नमिलेको, कर्णाली र मधेस प्रदेशमा शिक्षामा पर्याप्त लगानी हुन नसकेको भन्दै गुणस्तरीय शिक्षाका लागि लगानी आवश्यक भएको धारणा व्यक्त गर्नुभयो । 
यसैगरी जनस्वास्थ्यविद डा. शरद वन्तले आम नागरिकमा स्वास्थ्य सेवाको उपलब्धता र पहुँच नगन्य रहेको भन्दै नेपालका सन्दर्भमा स्वास्थ्यका क्षेत्रमा केहि महत्वपूर्ण सूचकहरु जस्तै बाल मृत्युदर, मातृ मृत्युदर, औसत आयु लगायतमा उल्लेख्य परिवर्तन भए पनि हाम्रो समाजमा विद्यमान विभेदलाई ढाकछोप गर्न औसतमा राखेर हेर्न नमिल्ने धारणा व्यक्त गर्नुभएको थियो । 
समाजका सभापति रेनुका पौडेलले विगत १७ वर्षदेखि जलवायु न्यायबारे अभियान सञ्चालन गर्दै आएको शान्ति समाजले सो का साथै हाल विकासको अधिकार, वैज्ञानिक शिक्षा र गुणस्तरीय स्वास्थ्य सेवामा केन्द्रित रहि देशव्यापी रुपमा अभियान सञ्चालन गरिरहेको बताउनुभएको थियो । सभापति पौडेलको सभापतित्वमा सम्पन्न कार्यक्रममा समाजका निवर्तमान सभापति रामकृष्ण बराल र पूर्व सभापति होमकान्त चौलागाईले शान्ति समाजको इतिहास र वर्तमान अभियानबारे प्रकाश पार्नुभएको थियो भने कवि अर्जुन पराजुलीले कविता प्रस्तुत गर्नुभएको थियो । समाजद्वारा तयार गरिएको अवधारणापत्र केन्द्रीय सदस्य रोजिना विष्टले र स्वागत काठमाण्डौ शाखा सभापति विकास थापाले गर्नुभएको थियो भने ३ जना सहभागिहरुले संक्षिप्त टिप्पणी गर्नुभएको थियो । 
शान्ति समाज स्थापना दिवसका अवसरमा २०८२ जेठ १९ गते समाजको सुर्खेत, रुपन्देही, गुल्मी, मोरङ, इलाम, महोत्तरी, नवलपुर, सल्यान, मुगु, बाँके, पाल्पा, झापा, संखुवासभा शाखाले “वैज्ञानिक शिक्षा र गुणस्तरीय स्वास्थ्य सेवाः नागरिकको आधारभूत अधिकार” विषयक नागरिक संवाद आयोजना गरेका थिए भने चितवन, गोरखा, पर्सा, तेह्रथुम, सुनसरी, रुपन्देही शाखाले दीप प्रज्वलन गरेका थिए । यसैगरी दाङ, म्याग्दी, अर्घाखाँची, कपिलवस्तु, कैलाली, र बागलुङ शाखाले शैक्षिक सामग्री, फलफुल वितरण लगायतका कार्यक्रम गरेका थिए । 
वैज्ञानिक शिक्षा र गुणस्तरीय स्वास्थ्य सेवा सन्दर्भमा समाजले अघि सारेको धारणा यस प्रकार छः
१.वैज्ञानिक शिक्षाः 
क. विज्ञान सौन्दर्य हो एवं अनिवार्य आवश्यकता । वैज्ञानिक शिक्षा समयको माग हो तसर्थ गुणस्तरीय वैज्ञानिक शिक्षा उपलब्ध गराउनु राज्यको दायित्व हो । कक्षा १२ सम्म त्यस्तो वैज्ञानिक शिक्षा निशुल्क एवं अनिवार्य हुनुपर्छ । 
ख. मानव अधिकार, शान्ति एवं जलवायु शिक्षा प्राथमिक तहदेखि नै पाठ्यक्रममा समावेश गर्नुपर्दछ ।  विज्ञान र मानवता, सूचना प्रविधि र मानवीय संस्कृति एकसाथ अगाडि बढाउनुपर्छ । वैज्ञानिक खोज र प्रयोगका लागि प्रोत्साहनमूलक नीति अवलम्वन गर्नुपर्छ ।
ग. सरकारले वर्ष २०८१–८२ का लागि शिक्षा क्षेत्रमा विनियोजन गरेको रकम कुल बजेटको ११ प्रतिशतको हाराहारीमा मात्र रहेको छ । सरकार र राजनीतिक दलहरूले शिक्षामा कूल बजेटको कम्तिमा २० प्रतिशत बजेट खर्च गर्ने विगतको घोषणा÷प्रतिवद्धता अनुरूप न्युनतम २० प्रतिशत बजेट शिक्षा क्षेत्रमा विनियोजन गर्नुपर्दछ । 
घ. विद्यालयदेखि विश्वविद्यालयसम्म गुणस्तरीय शिक्षक÷प्राध्यापक नियुक्तिका लागि स्थापित निकायहरू स्वायत्त, दक्ष र पारदर्शी हुनुपर्छ । 
ङ. शिक्षण पेसालाई आकर्षक बनाउनुपर्छ त्यसका लागि शिक्षक प्राध्यापकको तलब सुविधा राज्यका अन्य निकायको तुलनामा सबैभन्दा उच्च हुनुपर्छ र मर्यादाक्रममा पनि माथिल्लो क्रममा राखिनुपर्छ । शिक्षक प्राध्यापकको तालिम लगायत दक्षता वृद्धिमा जोड दिनुपर्छ ।
च. शैक्षिक प्रतिष्ठानहरूमा खेल मैदान, सभाकक्ष, छात्रावास, प्रयोगशाला, स्वास्थ्य सेवा र पुस्तकालय लगायत पर्याप्त पुर्वाधारहरू उपलब्ध हुनुपर्छ ।
छ. शैक्षिक प्रतिष्ठानहरूलाई बन्द हडताल मुक्त राखी विद्यालय÷विश्वविद्यालयलाई शान्ति क्षेत्र घोषणा गर्नुपर्दछ ।  
ज. सोह्र बर्ष मुनिका बालबालिकाहरूलाई राजनीतिक प्रयोजनका आमसभा, जुलुस, धर्ना लगायत कुनै पनि कार्यमा संंलग्न गराउनु हुँदैन । 
झ. शैक्षिक प्रतिष्ठानहरूलाई राजनीतिक दल वा दलहरूको भातृ सङ्गठनको छायाबाट मुक्त राख्नुपर्छ ।
ञ. शैक्षिक प्रतिष्ठानहरूलाई लागू औषध÷मदिरा दुव्र्यसनबाट मुक्त राख्न विशेष नीति अवलम्बन गर्नुपर्छ । 
२. गुणस्तरीय स्वास्थ्य सेवा ः 
क. स्वस्थ्य जीवनयापन गर्न पाउने नागरिकको नैसर्गिक अधिकारलाई हृदयङ्गम गर्दै सम्पूर्ण नेपाली नागरिकको शारीरिक, मानसिक तथा सामाजिक विकासको लागि स्वस्थ्य, स्वच्छ एबं सुरक्षित वातावरण र गुणस्तरीय स्वास्थ्य सेवाको सुनिश्चितता हुनुपर्छ । 
ख. नेपालको संविधान २०७२ र सो अनुरूपका ऐन तथा नीतिद्वारा निर्देशित सामाजिक न्याय र समानताको अवधारणा अनुरुप महिला, बालबालिका, ज्येष्ठ नागरिक, दलित, अपाङ्गता भएका व्यक्ति, आर्थिक रूपले विपन्न तथा सीमान्तकृतहरूको स्वास्थ्यका लागि विशेष व्यवस्था हुनुपर्छ  ।
ग.  संविधान र संघीय संरचना अनुसार नेपालको स्वास्थ्य प्रणालीलाई पुनर्संरचित गर्दै नसर्ने रोगको बढ्दो भार लगायत जनस्वास्थ्यका नविनतम चुनौतिको सामना गर्न सक्ने स्वास्थ्य प्रणालीको विकास गर्नुपर्छ ।
घ. निःशुल्क आधारूुत स्वास्थ्य सेवामा समतामुलक पहुँच र स्वास्थ्य बिमामा सबैको अनिवार्य आबद्धताका लागि सबै स्थानीय तहमा आबश्यक जनशक्ति सहितको उपकरणको व्यवस्था गर्नुपर्छ ।
ङ. विकट कर्णालीदेखि सिमान्त मधेश समेतलाई ध्यानमा राखेर आभारभूत स्वास्थ्य सेवा नेपालभरी निशुल्क, सर्वसुलभ र पहुँचयुक्त हुनुपर्छ । 
च. स्वास्थ्यका सवै सुचकहरू कमजोर रहेको कर्णालीमा विशेषज्ञ चिकित्सकसहितको सुविधायुक्त अस्पतालहरू स्थापना गर्नुपर्छ र सडक सञ्जालले नजोडिएको कर्णालीका विकट क्षेत्रहरूमा हवाई एम्बुलेन्सको व्यवस्था हुनुपर्छ ।  
छ. यसैगरी कर्णालीका बिरामीहरूका लागि विशेष सहुलियतसहित अनुदानको व्यवस्था हुनुपर्छ । 
ज. लागुऔषध र लागुपदार्थ दुव्र्यसनको घटना बढ्दै जानु देश र समाजको लागि चिन्ताको विषय हो । यस्तो प्रवृत्तिले महामारीको रूप लिनु अगाडि नै रोकथामको लागि व्यापक पहल गर्नुपर्दछ ।  
झ. जलवायु परिवर्तनका कारण सिर्जना हुने जनस्वास्थ्य समस्यालाई मध्यनजर गर्दै आवश्यक नीति तर्जुमा र पूर्व तयारी गर्न  राष्ट्रिय, प्रादेशिक र स्थानीय स्तरमै जलवायु कानून बनाउनु पर्छ र विशेष जलवायु नीति अवलम्वन गर्नुपर्छ ।
समाजका तर्फबाट 
सरिता पौडेल उपनिर्देशक, मानव अधिकार तथा शान्ति समाज 
२० जेष्ठ २०८२
 

2025-06-04 01:38:48

भारतीय र पाकिस्तानी दुतावास अगाडि प्रदर्शन

प्रेस विज्ञप्ति

दक्षिण एशियालाई युद्धमुक्त क्षेत्र बनाउन आग्रह– भारतीय र पाकिस्तानी दुतावास अगाडि प्रदर्शन

भारत पाकिस्तानबीचको झडप यही बिन्दुमा अन्त्य गर्न, विद्यमान तनाव मत्थर पार्न र शान्ति प्रवद्र्धनका लागि ठोस कदम चाल्न आग्रह गर्दै मानव अधिकार तथा शान्ति समाजले काठमाण्डौमा दुई वटा प्रदर्शन गरेको छ । २०८२ वैशाख २६ गते काठमाण्डौ लैनचौरस्थित भारतीय राजदुतावास र चुनदेवीस्थित पाकिस्तानी राजदुतावास अगाडी आधा घण्टासम्म भएको छुट्टाछुट्टै प्रदर्शनमा दक्षिण एशियाका दुई राष्ट्रहरु भारत र पाकिस्तानबीच बढ्दो तनाव र झडप दक्षिण एशियाका लागि मात्र नभएर विश्व शान्तिकै लागि चिन्ता र खतराको विषय भएको उल्लेख छ । प्रदर्शनमा सहभागिहरुले आतङ्कवाद सदैव निन्दनीय छ, अतिवाद र आतंकवाद मानवताका शत्रु हुन, शान्तिको कुनै विकल्प हुँदैन ः युद्धको कुनै भविष्य हुँदैन, दक्षिण एशियालाई युद्धरहित क्षेत्र बनाऔँ, युद्धमा कसैले पनि जित्दैनन्, पराजित केवल मानवता हुने गर्दछ, युद्धमा सवैको क्षय हुन्छ, शान्तिमा सवैको जय हुन्छ लेखिएका प्लेकार्डहरु प्रदर्शन गरेका थिए ।

भारतीय दुतावास अगाडि भएको प्रदर्शनमा “आतङ्कवाद सदैव निन्दनीय छ तर सिन्धु जल सम्झौता निलम्वन गर्नु कति मानवीय छ ?, भारत संसारको सबैभन्दा ठूलो लोकतन्त्र । छिमेकी नेपालको लोकतन्त्र विरुद्ध पनि कतैबाट षडयन्त्र नहोस्, भारत र नेपालबीच नागरिक स्तरको प्रगाढ सम्बन्ध गर्वको विषय हो” लेखिएको व्यानर प्रदर्शन गरिएको थियो । यसैगरी पाकिस्तानी दुतावास अगाडि भएको प्रदर्शनमा “अतिवाद र आतङ्कवादबाट पिडित पाकिस्तान स्वयंले आतङ्कवादलाई अंगालो किन हालेको ?, पहलगाम आतङ्की आक्रमणमा संलग्नलाई पाकिस्तानले किन संरक्षण गरेको ?, पहलगाम आतङ्की आक्रमणमा संलग्नलाई पाकिस्तानले किन कारवाही नगरेको?” लेखिएको व्यानर प्रदर्शन गरिएको थियो । प्रदर्शनमा शान्ति समाजका संस्थापक सभापति कृष्ण पहाडी, सभापति रेनुका पौडेल, निवर्ततमान सभापति रामकृष्ण बराल, पूर्व सभापति होमकान्त चौलागाईं, सल्लाहकार रामप्रसाद जोशी, कोषाध्यक्ष चन्द्रमणी बन्जारा, वाग्मती प्रदेश सचिव दिवाकर पुडासैनी, केन्द्रिय सदस्यहरु नम्रता खरेल, उमा गौतम, रोजिना बिष्ट, माणिराम दाहाल, काठमाडौँ शाखा सभापति बिकास थापा, लतिलपुर शाखा सभापति मन बहादुर थापा, चिवतन शाखा सभापति पूर्णचन्द्र चापागाई, सदस्यता अपिल समिति संयोजक किरण ढकाल, आजीवन सदस्यहरु ईश्वर पुडासैनी, रविना पौडेल, तुलसीराम भण्डारी लगायत शान्तिवादीहरुको सहभागिता थियो । प्रदर्शन पश्चात समाजका तर्फबाट भारतीय प्रधानमन्त्री नरेन्द्र मोदीलाई लेखिएको ज्ञापनपत्र दुतावास मार्फत हस्तान्तरण गरिएको थियो भने पाकिस्तानका प्रधानमन्त्री शहबाज शरीफलाई लेखिएको पत्र पाकिस्तानी दुतावासले बुझ्न नमानेका कारण इमेलबाट पठाइएको थियो । ज्ञापनपत्रमा भारतको पहलगाममा आतङ्कवादीद्वारा एक नेपालीसहित २६ जना निर्दोष मान्छेको हत्या मानवता विरुद्धको अपराध हो भन्दै त्यस्तो आतङ्की कृत्यमा संलग्न जुनसुकै संगठन वा व्यक्ति हुन तिनिहरुमाथि कारवाही हुनुपर्छ । आतङ्की कृत्यमा संलग्न संगठन वा व्यक्तिहरुलाई कुनै पनि राष्ट्रले संरक्षण गर्नु हुदैँन भनिएको छ ।

ज्ञापनपत्रमा भारतको पहलगाममा आतङ्कवादीद्वारा एक नेपालीसहित २६ जना निर्दोष मान्छेको हत्या मानवता विरुद्धको अपराध हो भन्दै त्यस्तो आतङ्की कृत्यमा संलग्न जुनसुकै संगठन वा व्यक्ति हुन तिनिहरुमाथि कारवाही हुनुपर्छ । आतङ्की कृत्यमा संलग्न संगठन वा व्यक्तिहरुलाई कुनै पनि राष्ट्रले संरक्षण गर्नु हुदैँन भनिएको छ । युद्धमा सवैको क्षय हुन्छ, शान्तिमा सवैको जय हुन्छ, युद्धमा कसैले पनि जित्दैनन्, पराजित केवल मानवता हुने गर्दछ । तसर्थ शान्तिको कुनै विकल्प हुदैँन भन्दै युद्ध एवं आणविक अस्त्ररहित विश्वको परिकल्पनासहित युद्ध निषेधः शान्ति विशेष भन्ने आह्वानसहित अभियानरत रहेको उल्लेख गर्दै दक्षिण एशियालाई युद्धरहित क्षेत्र बनाउन विशेष आग्रह गरिएको छ । समाजका तर्फबाट सरिता पौडेल उपनिर्देशक, मानव अधिकार तथा शान्ति समाज २६ वैशाख २०८२

2025-05-09 14:29:06

राष्ट्रसंघ कार्यालय अगाडि प्रदर्शन

प्रेस विज्ञप्ति
युद्धको विभिषिकाबाट बचाउने दृढता खोइ? भन्दै राष्ट्रसंघ कार्यालय अगाडि प्रदर्शन

विगत २९ वर्षदेखि आणविक अस्त्रको विश्वव्यापी उन्मुलन र युद्ध निषेधः शान्ति विशेष अभियान सञ्चालन गरिरहेको मानव अधिकार तथा शान्ति समाजले २०८२ असार १३ गते दिउँसो ललितपुर पुल्चोकस्थित संयुक्त राष्ट्रसंघ कार्यालय अगाडि प्रदर्शन गरेको छ । वर्तमान/भावी पुस्तालाई युद्धको विभिषिकाबाट बचाउने दृढता खोइ? भन्दै विश्वका विभिन्न भागमा चलिरहेको युद्ध अन्त्य गर्न संयुक्त राष्ट्रसंघले प्रभावकारी भूमिका निर्वाह गर्नुपर्ने र सुरक्षा परिषद्का स्थायी सदस्य राष्ट्रहरुले युद्धको पक्षपोषण होइन, युद्ध अन्त्य र शान्ति प्रवद्र्धनमा योगदान गर्नुपर्ने आग्रहसहित प्रदर्शन गरेको हो । स्मरणीय छ, भावी पुस्तालाई युद्धको विभिषिकाबाट बचाउने दृढतासहित ८० वर्ष अघि संयुक्त राष्ट्रसङ्घको स्थापना भएको थियो ।
प्रदर्शनमा २० महिनादेखि गाजामा नरसंहार जारी⁠ः तैपनि राष्ट्रसङ्घमाथि इजरायल भारी, इरानमाथि अमेरिकाको बमबारी, तैपनि राष्ट्रसङ्घमा अमेरिका भारी, सवा तीन वर्षदेखि युक्रेनमा रूसको बमबारी तैपनि राष्ट्रसङ्घमा रुस भारी, राष्ट्रसङ्घ लाचार हुनु विश्व शान्तिका लागि खतरा, इजरायलको बर्बरता र इरानको आणविक महत्वकांक्षा दुवै विश्व शान्तिका लागि खतरा, युद्ध विस्तार हुदँैछ, मानवता पराजित हुदैँछ, शक्ति राष्ट्रका अगाडि राष्ट्रसंघ किन लाचार?, राष्ट्रसंघ खुम्चिदै छ, युद्ध विस्तार हुदैँछ, UN: WHERE IS DETERMINATION TO SAVE SUCCEEDING GENERATIONS FROM THE SCOURGE OF WAR, INCREASING NUMBERS OF WARS INDICATES A FAILURE OF THE UNITED NATIONS, PERMANENT MEMBERS OF UN SECURITY COUNCIL MUST ACT LIKE GUARDIANS, NOT AGGRESSORS, THE UN SECURITY COUNCIL'S PERMANENT MEMBERS SHOULD ACT AS GUARDIANS FOR INTERNATIONAL PEACE, BOTH ISRAEL'S BARBARISM AND IRAN'S NUCLEAR AMBITIONS ARE A THREAT TO WORLD PEACE, ISRAEL: STOP WAR IN MIDDLE EAST, RUSSIA: STOP WAR IMMEDIATELY लेखिएका प्लेकार्डहरु प्रदर्शन गरिएको थियो ।
प्रदर्शनमा शान्ति समाजका संस्थापक सभापति कृष्ण पहाडी, सभापति रेनुका पौडेल, निवर्तमान सभापति रामकृष्ण बराल, पूर्व सभापति होमकान्त चौलागाई, सल्लाहकार रामप्रसाद जोशी, महासचिव प्रकाश शाही, कवि अर्जुन पराजुली, वाग्मती प्रदेश सचिव दिवाकर पुडासैनी, कोषाध्यक्ष चन्द्रमणी बञ्जारा, सदस्यता अपिल समिति संयोजक किरण ढकाल, केन्द्रीय सदस्यहरु नम्रता खरेल, उमा गौतम, मणीराम दाहाल, काठमाण्डौ शाखा सभापति विकास थापा, ललितपुर शाखा सभापति मनबहादुर थापा, आजीवन सदस्यहरु जयराम पुडासैनी, तुलसीराम भण्डारी, रेजीना राई, मन्दिर अमात्य, वुद्ध रिसाल, बाबुराम न्यौपाने, ईश्वरी नेपाल, राजकुमार श्रेष्ठ लगायत शान्तिवादीहरुको सहभागिता थियो ।
प्रदर्शन पश्चात संयुक्त राष्ट्रसंघका महासचिव एन्टोनियो गुटेरेसलाई शान्ति समाजका तर्फबाट लेखिएको पत्र नेपालस्थित संयुक्त राष्ट्रसंघको कार्यालयका अधिकारीमार्फत हस्तान्तरण गरिएको थियो ।
पत्रमा एकातिर सवा तीन वर्षदेखि रुस–युक्रेन युद्ध जारी छ भने अर्कोतिर २० महिनादेखि गाजामा इजरायली अत्याचार जारी रहेको जसका कारण बालबालिका, महिलाले समेत अकल्पनीय प्रताडना भोग्नुपरेको, युद्धका कारण अपुरणीय क्षति मात्र नभई मानवता निरन्तर पराजित भइरहेको र संयुक्त राष्ट्रसंघ लाचार मुकदर्शक भएको भान पर्न थालेको र यसै वर्ष १३ जुनबाट शुरु भएको इजरायल–इरान युद्ध लगायत विश्वका विभिन्न भागमा चलिरहेको युद्धका कारण मानव सभ्यता नै खतरामा पर्न थालेकोले विश्वका विभिन्न भागमा चलिरहेको युद्ध अन्त्य गर्न संयुक्त राष्ट्रसंघले प्रभावकारी भूमिका निर्वाह गर्न आग्रह गरिएको छ ।
समाजका तर्फबाट
सरिता पौडेल
उपनिर्देशक, मानव अधिकार तथा शान्ति समाज
१३ असार २०८२

2025-06-27 15:25:54

युद्ध अन्त्य र विश्व शान्तिको कामना गर्दै बौद्धमा दीप प्रज्वलन

प्रेस विज्ञप्ति

युद्ध अन्त्य र विश्व शान्तिको कामना गर्दै बौद्धमा दीप प्रज्वलन

इजरायल–इरान लगायत विश्वका विभिन्न भागमा चलिरहेको युद्ध तत्काल अन्त्य र विश्व शान्तिको कामना गर्दै मानव अधिकार तथा शान्ति समाजले काठमाण्डौमा प्रदर्शन तथा दीप प्रज्वलन कार्यक्रम गरेको छ । २०८२ असार ७ गते साँझ वाग्मतीनगरबाट शुरु भएको प्रदर्शन बौद्धनाथ पुगी दीप प्रज्वलनसँगै समापन भएको थियो । प्रदर्शनमा युद्ध रोक शान्ति प्रवद्र्धन गर, संवादमार्फत समस्याको समाधन गर भन्दै इजरायललाई आक्रामकता त्यागी शान्तिपूर्ण सहअस्तित्वको मार्ग अवलम्वन गर्न र इरालनलाई आणविक महत्वकांक्षा त्याग्न आग्रह गर्नुका साथै विश्व शान्तिको कामना गर्दै बौद्धनाथमा दीप प्रज्वलन गरिएको थियो । कार्यक्रममा समाजका संस्थापक सभापति कृष्ण पहाडी, सभापति रेनुका पौडेल, पूर्व सभापतिहरु रामकृष्ण बराल र होमकान्त चौलागाई, सल्लाहकार रामप्रसाद जोशी, महासचिव प्रकाश शाही, अनुशासन समिति संयोजक कृष्णबहादुर रावल, सचिवहरु प्रेम पटेल र दिवाकर पुडासैनी, कोषाध्यक्ष चन्द्रमणी बञ्जारा, सदस्यता अपिल समिति संयोजक किरण ढकाल र सदस्य सानु लामा, केन्द्रिय सदस्यहरु नम्रता खरेल, उमा गौतम, शम्भु राउत, रोजिना विष्ट, मणिराम दाहाल, काठमाण्डौ शाखा सभापति विकास थापा, ललितपुर शाखा सभापति मनबहादुर थापालगायत शान्तिवादीहरुको सहभागिता थियो ।

यसैगरी असार ७ गते सामाजिक न्यायदेखि जलवायु न्यायसम्म विषयमा केन्द्रित रहि मानव अधिकार तथा शान्ति समाजको आयोजनामा वाग्मती प्रदेश स्तरीय अभिमुखिकरण कार्यक्रम सम्पन्न भएको छ । वाग्मती प्रदेश र बारा, पर्सा जिल्ला समेत गरी सात जिल्लाबाट ७० जनाको सहभागिता रहेको अभिमुखिकरण कार्यक्रमको अन्त्यमा “संक्रमणकालीन न्याय प्रक्रियाः पिडित÷नागरिक समाजको अबको संयुक्त आन्दोलन र प्रेस तथा अभिव्यक्ति स्वतन्त्रताको वर्तमान अवस्था” विषयमा अन्तरसंवाद सम्पन्न भएको थियो । संक्रमणकालीन न्याय विषयमा संविधानसभा सदस्य एकराज भण्डारी (वेपत्ता पारिएका परिवार सदस्य) र द्वन्द पिडित साझा चौतारीका संस्थापक अध्यक्ष सुमन अधिकारीले मन्तव्य व्यक्त गर्नुभएको थियो ।

यसैगरी प्रेस तथा अभिव्यक्ति स्वतन्त्रताको वर्तमान अवस्थामा केन्द्रित रहि वरिष्ठ पत्रकार कृष्णमुरारी भण्डारी र लेखक तथा विश्लेषक श्रीकृष्ण अनिरुद्र गौतमले मन्तव्य व्यक्त गर्नुभएको थियो ।

यसअघि शान्ति समाजले कोशी प्रदेशको इटहरीमा, गण्डकी प्रदेशको पोखरामा, लुम्बिनी प्रदेशको बुटवलमा, कर्णाली प्रदेशको सुर्खेतमा अभिमुखिकरण कार्यक्रम आयोजना गरेको थियो ।

समाजका तर्फबाट

सरिता पौडेल

उपनिर्देशक, मानव अधिकार तथा शान्ति समाज

८ असार २०८२

2025-06-22 11:41:18

इजरायल र इरानलाई युद्ध रोक्न माग गर्दै शान्ति समाजको दुई वटा प्रदर्शन

प्रेस विज्ञप्ति

इजरायल र इरानलाई युद्ध रोक्न माग गर्दै शान्ति समाजको दुई वटा प्रदर्शन

विगत तीन दशकदेखि आणविक अस्त्रको उन्मुलन एवं युद्ध निषेध शान्ति विशेष अभियान सञ्चालन गर्दै आएको मानवअधिकार तथा शान्ति समाजले इजरायल र इरानबीच जारी युद्ध तत्काल अन्त्य गर्न माग गर्दै २०८२ असार ४ गते काठमाण्डौमा दुई वटा प्रदर्शन गरेको छ । यस क्रममा काठमाण्डौ लाजिम्पाटस्थित इजरायली राजदुतावास अगाडि विहान ११ बजे र दरवारमार्गस्थित इरानी कन्सुलेट कार्यालय अगाडि आधा घण्टा प्रदर्शन भएको थियो ।

इजरायली दुतावास लाजिम्पाट अगाडि भएको प्रदर्शनमा शान्तिवादीहरुले इजरायलले यसपटक युद्धको शुरुवात गरेको हुँदा युद्ध अन्त्यको पहल पनि इजरायलले गर्नुपर्छ भन्दै इजरायलः आक्रामकता बन्द गर, युद्ध तत्काल अन्त्य गर, प्यालेष्टाइनमाथिको अत्याचार बन्द गर, शान्तिपूर्ण सहअस्तित्वको मार्ग अवलम्वन गर, गाजामा नरसंहार बन्द गर, युद्ध समस्याको समाधान होइनः वार्ता मार्फत समाधान गर, युद्ध मानवताको अपमान हो लेखिएका प्लेकार्डहरु प्रदर्शन गरेका थिए ।

यसैगरी इरानी कन्सुलेट कार्यालय अगाडि भएको प्रदर्शनमा इरानको आणविक महत्वकांक्षा त्यस क्षेत्रको स्थिरताका लागि खतरा भएको भन्दै इरानलाई आणविक महत्वाकांक्षा परित्याग गर्न आग्रहसहित मानव अधिकारको सम्मान र इरानमा लोकतन्त्र बहाली गर्न आग्रह गरिएको थियो ।

प्रदर्शनमा शान्ति समाजका संस्थापक सभापति कृष्ण पहाडी, सभापति रेनुका पौडेल, पूर्व सभापति होमकान्त चौलागाई, सल्लाहकार रामप्रसाद जोशी, महासचिव प्रकाश शाही, कोषाध्यक्ष चन्द्रमणी बञ्जारा, वाग्मती प्रदेश सचिव दिवाकर पुडासैनी, समावेशी सचिव तुलसीराम सुनार, सदस्यता अपिल समिति संयोजक किरण ढकाल, केन्द्रीय सदस्यहरु नम्रता खरेल, मणिराम दाहाल, काठमाण्डौ शाखा सभापति विकास थापा, ललितपुर शाखा सभापति मनबहादुर थापा, आजीवन सदस्यहरु ईश्वर पुडासैनी, तुलसीराम भण्डारी, रिता अधिकारी, नवराज चापागाई, राजकुमार श्रेष्ठ, सहित शान्तिवादीहरुको सहभागिता थियो ।

समाजका तर्फबाट

सरिता पौडेल

उपनिर्देशक, मानव अधिकार तथा शान्ति समाज

४ असार २०८२

2025-06-18 14:39:49