शान्ति समाजले सुरु गर्यो सद्भाव एकता अभियान
1.मानव अधिकार तथा शान्ति समाजले सद्भाव एकता अभियान सुरु गरेको छ । यो अभियानको पहिलो चरणमा विभिन्न जिल्लामा एकता र्याली आयोजनाको क्रम सुरु भएको छ । “हाम्रो जीवनधारा अहिंसा, शान्ति, सद्भाव, सहिष्णुता र भाइचारा, तोड्न होइन जोडनका लागि योगदान गरौँ, संवाद, सहमति, सहकार्यको मार्ग अवलम्बन गरौँ” भन्ने आह्वानसहित शान्ति समाज सुर्खेत शाखाको आयोजनामा २०८३ साउन १६ गते बिहान वीरेन्द्रनगरमा एकता र्याली सम्पन्न भएको छ । कार्यक्रममा शान्ति समाजका महासचिव प्रकाश शाही लगायत सामाजिक अगुवाहरूले मन्तव्य व्यक्त गर्नु भएको थियो ।
यसैगरी काठमाण्डौस्थित माइतिघर मण्डलामा २०८३ साउन १८ गते सोमबार दिउँसो २ बजे शान्ति समाजले प्रदर्शन गर्दैछ ।
सद्भाव तथा सहिष्णुता प्रवर्द्धनका लागि क्रियाशील शान्ति समाजले गत निर्वाचन पूर्व पनि दर्जनौँ जिल्लामा सद्भाव प्रवर्द्धन केन्द्रित नागरिक संवाद तथा प्रदर्शन गरेको थियो ।
2. शान्ति समाज पाल्पा शाखा द्वारा साउन १७ गते सद्भभाव र्यालि सप्पन्न
3. शान्ति समाज सल्यान शाखाको आयोजनामा साउन १७ गते एकता र्याली सल्यान श्रीनगरमा सम्पन्न
4. तोड्न होइन, जोडन योगदान गर्न आग्रह
“हाम्रो जीवन धाराः अहिंसा, शान्ति, सद्भाव, सहिष्णुता र भाइचारा, तोड्न होइन जोडनका लागि योगदान गरौँ, संवाद, सहमति, सहकार्यको मार्ग अवलम्बन गरौँ” भन्ने आह्वानसहित मानव अधिकार तथा शान्ति समाजले माइतीघर काठमाण्डौमा आधा घण्टा प्रदर्शन गरेको छ । २०८३ साउन १८ गते सोमबार दिउँसो भएको प्रदर्शनमा सहभागीहरूले हिंसा र घृणालाई खारेज गरौँ, तोड्न होइन जोडन योगदान गरौँ, पीडितलाई न्याय र दोषीलाई सजाय सुनिश्चित गर भन्ने प्लेकार्ड बोकेका थिए ।प्रदर्शनमा शान्ति समाजका संस्थापक सभापति, सभापति, पूर्व सभापतिहरू, केन्द्रीय समितिका पदाधिकारीहरूसहित ३ दर्जन शान्तिवादीहरूको सहभागिता थियो । 5. हाम्रो जीवन धारा: अहिंसा, शान्ति, सद्भाव, सहिष्णुता र भाइचारा !!तोड्न होइन जोडनका लागि योगदान गरौँ!संवाद, सहमति, सहकार्यको मार्ग अवलम्बन गरौँ !!
मानव अधिकार तथा शान्ति समाज रुपन्देही शाखाद्वारा २०८३ साउन २२ गते अपरान्ह बुटवलमा सद्भाव एकता अभियान अन्तर्गत आयोजित नागरिक संवाद कार्यक्रममा रा स्व पा,नेका,एमाले,नेकपा लगायत राजनीतिक समाज र नागरिक समाजका प्रतिनिधिहरु गरी सय भन्दा बढीको सहभागितामा जिवन्त छलफल. प्रमुख वक्ता कृष्ण पहाडी
